طريقه عمل عرق التربيانكو بصوص الجبنه بالخطوات المصوره من مطبخى
الاول هجيب العرق وهقطعه لانه طويل قوى وما فيش حله هتشيله
هفتح فتحات صغيره فيه باى اله صغيره ومدوره انا استخدمت دراعات مضرب البيض
فتحنا عده فتحات
هنضف فى احداها ثوم صحسح
والباقى فلفل اسود صحيح
ونحاول نوصل الحشو لاقصى ما يمكن
حشيته كله تمام
هلفه بخيط
وهتبله بماء بصل وفلفل مطحون وذرة ملح لانى هضيف جبنه وممكن يملح منى
هشوحه فى سمن من كل الجهات
بهذا الشكل
وهضيف ماء البصل اللى تبلته فيه وكمان اضيف ملعقتين ماء بصل تانى هيكون افضل
ونزود كل شويه ماء كوب تقريبا ونغطى عليه وكل شويه نقلبه ونضيف ماء لغاية ما يستوى
خلاص استوى اخدته وفكيت الخيط
وقطعته حلقات 1 سم وشايفين الحشو ازاى فى كل جزء لانى وصلته لابعد نقطه
طاسه بقى وملعقه سمن وملعقه دقيق واحده بس
والصوص اللى ناتج من تسويه اللحمه هصفيه عليها
ونقلبهم كويس خالص ولو كلكع منك صفيه تانى
نضع شرائح الجبن الرومى او الشيدرزى ما تحبى
ونضيف اللحم
وكمان جبنه نقطعها ونزود كوب ماء علشان الجبنه تسيح واللحم يتشرب الصوص
وشوية موزاريلا كمان ونتركهم على نار هاديه لغاية ما يتشرب الصوص ويبقى باقى حاجه بسيطه
ونقدمه
ما لحقتش ازيين السرفيس لانى المغرب اذن والكل منتظر الافطار
واوووووووووو جوعتينى
ردحذف