البدايه نقطع راس الكرنب ثم نفكك الورق بالراحه علشان ما يتقطعش
نسلق الورق فى ماء بيغلى ونكون حاطين ملح وكمون فى الماء
بس ثوانى مش كتير ونرفعه بسرعه ونحطه بماء بارد علشان ما يتهريش
وبعدها نفرد الورق على صنيه كبيره ونقطع العروق لانى لها استخدام ونقطع الورق مربعات
2 بصله كبيره مفرومه ناعم
وراس توم مقشره ومفرومه
نشوحهم مع سمن لغاية ما يصفروا
بعد ما يصفر البصل والتوم نضع اللحم المفروم وكمان نشوحهم شويه
(على فكره الصور دى متجمعه من عدة مرات)
ثم نضيف الارز المغسول والمصفى
وملح وكمون وشطه اختيارى
ونقلبهم دقيقتين على النار وبعدها الخلطه بتكون جاهزه
نفرد كل ورقه من الكرنب فى طبق ونضع الحشو على طرف الورق
بعدها امسك كل اصبع واقفله من الجوانب
ودا لحماية الكرنب من النار الزايده ا
ودى صوره كانت بعزومه وكنت عامله اغلب المحاشى
والكميه قليله علشان كده مش واضح انه متساوى كويس
وطريقه الرص نفسها بتساعدك انك تقلبى الحله بعد ما يستوى من غير ما يتفكك منك
والشوربه هنغطى الكرنب لغايه الصف اللى فبل الاخير
لانه بمجرد ما يغلى هيرتفع وهيغطى كل الكرنب
ليست هناك تعليقات:
إرسال تعليق
لا تقرأ و ترحل ،، اضف تعليقك و اترك بصمتك