تتبيلة الديك الرومى سواء مقطع او صحيح
بتكون واحده
عباره عن بصل كتير مفروم فلفل اسود كمان كتير وملح وعصير ليمونه
ومهم قوى انى يترك بعد ما يتبل على الاقل 6 ساعات خاصة لو حجمة كبير
هنا عندى ربع رومى
والتتبيله
لازم نعمل فتحات به علشان ندخل التتبيله لكل حته
ومن الناحيه التانيه برضو عملت فتحات بالسكين
وتبلته كويس ووضعته بالتلاجه
وتانى يوم وضعته بالكيس الخاص بالشوى ووضعته بالفرن
نبدا نجهز الارز
المكونات
بصله مفرومه
4 فصوص توم مفرومين
قطعة جنزبيل مبشوره
افلفل اخضر مقطع
فراخ او لحم مقطعه كبير او صغير حسب الرغبه
التوابل
كركم
نعناع جاف او طازج
حبهان
ورق لورو
عود قرفه خشب
شطه
كمون
ملح
وطبعا ارز بسمتى وكوب زبادى
لوز للتجميل وزبيب
نضع البصل يتشوح شويه مع ملعقة سمن
نضيف التوم والجنزبيل
نضيف كل التوابل
ونقلبهم لغايه ما تطلع ريحه البهارات
نضع اللحم او الدجاج وانا احب اقطعه مكعبات صغيره ونشوحهم شويه
ونضيف بعدها ماء ونتركهم حتى يتسوى الدجاج
واذا حبيتى اضافة خضار زى ما تحبى
بعد ما استوى الدجاج ولازم تبقى لسه فيها سوائل ولو نشفت نضيف كمان شوية ماء
نضع الزبادى عليها ونقلبهم دقيقه ونغلق النار
نجهز الارز البسمتى بالطريقه العاديه ونضع نصف كميه الماء اللى هنحتاجها
وهنا بعد ما تشرب الماء وطبعا لسه نئ
نضع عليه خليط اللحم والسوائل اللى فيه هيه اللى هنكمل بيها تسوية الارز
اللوز هنقشره
ونحمره وكمان لو فى زبيب برضو نشوحه بس لغاية ما تتنفخ حباته
هنا الرومى المفروض جاهز ولونه جميل
بس جوزى بيحبه محمر زياده وبالتالى هرجعه على الفرن تحت المشواه
قلبت الارز ببعضه بعد ما استوى
ونضع عليه الرومى ونرش اللوز المحمص عليه
هنا مره تانى كان الريانى بالخضار
ليست هناك تعليقات:
إرسال تعليق
لا تقرأ و ترحل ،، اضف تعليقك و اترك بصمتك