كان عندى ديك كبيروزنه 7 كيلو
واحترت فيه
لانى اسرتى صغيره وولادى مقاطعين اللحوم من زمن هههه
المهم قلت اقطعه واستفيد بيه كام مره
طبعا بمساعدة جوزى قطعناه والحمد لله
غسلته كويس بملح وخل
واخذت منه ربع وخليته
ودى طريقه الخلى للى مش عارف
هنقلبه وندخل بالسكين من ناحية العظم
لغاية ما نوصل للرقيه ونقطعها كمان
ونستغلها بعد كده هيه والاجنحه فى عمل شوربه
نوصل للكتف
ونقطع من تحت ونشق بالطول ونخلى حول العظمه
فى سكينه مخصوص للخلى كنت ناسياها
بتلف حول العظم بسهوله
ونطلع لفوق لغاية ما نوصل للمفصل وبعد كده نشيل الجلد
ونبقى خلصنا
دا شكله بعد ما تخلى
وجهزت توم صحيح وفلفل اسود حبوب
انا هفرده علشان الفه رول كويس
هنا فردته ووضعت فصوص توم وحبات الفلفل وكمان قطع صغيره من الفلفل الاخضر
وهنلفه بكل سهوله مع الضغط عليه
كده تمام
هلف عليه خيط كويس
واتبله بملح وفلفل مطحون وماء بصل
انا تركته بالثلاجه 3 ساعات وبعدين
هجهز حله بها سمن ساخن جدااااااااا
واشوحه بسرعه من كل الجهات
هضيف باقى عصير البصله اللى كنت متبلاه فيها
وشوية ماء وعليهم عصير نصف ليمونه
ونقفل عليه ونهدئ النار بعد ما يغلى وكل شويه نشوف لو محتاج ماء نضيف بكميات قليله
بعد ساعه ونصف تقريبا استوى
هسيبه يهدئ شويه وبعدين نشيل الخيط و نقطعه
بسكينه حاده نقطعه
دى صوره من قريب
واضح فيها الفلفل الاسود وكان طعمه رائع
ان شاء الله تجربوه و يعجبكم
بالف هنا شامه تسلم الايادي ياقمر
ردحذفشكله وطهمه اكيد رائع
الاروع مرورك الكريم شكرااااااا حبيبتى بارك الله فيكى
ردحذفاممم شكله شهي صحا وهنا على قلوبكم يا شيماء
ردحذفسلمت يداكي
يسلموووووووو حبيبتى سميه
حذفنورتينى يا قمر
روعه صحا و هنا على قلوبكم يا شيماء
ردحذفسلمت يداكي